Ташкилоти ҷамъиятии “Алтернатива” ташкилоти ҷавонон буда, фаъолияти худро аз аввали соли 2000-ум шуруъ карда дар бисёре аз ноҳияҳои вилояти Хатлон кору фаъолият мекунад.

Сабаби таъсис додани ташкилот, ин мушкилотҳое буданд, ки он вақт дар хоҷагиҳои фермерӣ ба миён омада буд. Бисёриҳо бо замини хоҷагии фермерие, ки аз соли 2000-ум ба ҳама тақсим карда мешуд, бо мушкилоти калони ҳуқуқӣ рӯ ба рӯ шуданд. Ташкилоти ҷамъиятии “Алтернатива” ба ин деҳқонон дар идоракунии ҳуҷҷатгузорӣ, коргузорӣ ва дигар масъалаҳо кӯмаки худро расонд, инчунин дар заминаи ташкилот, маркази машваратӣ барои хоҷагиҳои деҳқонии фермерӣ фаъолият мекард.

Ташкилот бо ҳуқуқҳои табақаҳои осебпазири аҳолӣ, яъне занон, фермерон, хоҷагиҳои деҳқонӣ, пешбурди тиҷорат ва ташкили ҷойҳои корӣ, рушди соҳибкорӣ дар байни муҳоҷирони баргашта ва ҷавонон, инчунин оид ба масъалаҳои тандурустӣ ва рушди маҳалла кор мебарад.

“Ба пеш рафтан, ба одамон кумак кардан, дар рушди ҷомеа саҳм гузоштан”.

Ин шиори Азиза Шомансурова аст, ки зиёда аз нӯҳ сол раҳбарии ташкилоти ҷамъиятии “Алтернатива”-ро бар душ дорад. Дар тӯли 13 сол Азиза дар бисёр ташкилотҳои байналхалқӣ ва ҷамъиятӣ кор кард ва инчунин дар барномаҳои байналхалқӣ иштирок варзид. Пас аз гирифтани донишу малакаҳои зиёд, моҳи октябри соли 2011, Азиза ба ташкилот ба кор омада, то ба имрӯз таҳти роҳбарии ӯ зиёда аз 26 лоиҳа амалӣ гардидааст. Бо вуҷуди таҷриба ва донишҳои зиёд, Азиза дар навиштани лоиҳаҳо душворӣ мекашид ва гуфт, ки барои амалӣ кардани танҳо яке аз онҳо, вақту қуввати зиёдеро сарф мекард.

Азиза нақл мекунад, ки барои амалӣ сохтани яке аз лоиҳаҳои муҳим барои ташкилот, чӣ гуна ӯ барои омӯхтани флора ва олами ҳайвоноти ноҳияҳои Шаҳритус ва Қубодиён, як ҳафта дар китобхонаи Фирдавсӣ нишаста кор карда, вақт сарф кардааст

“Оғоз кардани чизе хеле душвор аст. Бо вуҷуди донишҳоям, ин соҳа барои ман як ҷангали торик буд, аммо бисёр ташкилотҳо ва ҳамкорон, аз ҷумла хоҳарам, ба ман кӯмак карданд”.

Бояд қайд кард, ки айни замон стратегияи ташкилот ин ташкили ҷойҳои корӣ барои ҷавонон бо роҳи таълим ва ҷалби онҳо ба фаъолияти соҳибкорӣ, стартапҳо ва агробизнес, инчунин таҳияи нақшаҳои бизнес мебошад.

Ба гуфтаи Азиза Шомансурова, ташкилоти ҷамъиятии “Алтернатива” бо бисёр ташкилотҳои байналмилалӣ ва ҷамъиятӣ, аз ҷумла Институти “Ҷамъияти Кушода” Бунёди Мадад дар Тоҷикистон, Сафорати ИМА дар Тоҷикистон, БРСММ-Бохтар, ташкилоти ҷамъиятии “Шифо”, “Бохтар”, “Бонувони Фардо”, “Мактаби ихтиёриён”, “Фидокор”, “Рушди Диёр”, “Роҳнамо”, “Бонувони Хатлон” ва ғайра ҳамкори кардааст.

Дар тӯли се сол, ташкилот мушовири тиҷоратии Институти “Ҷамъияти Кушода” Бунёди Мадад дар Тоҷикистон буд; дар тӯли якчанд сол ӯ бо дастгирии Сафорати Амрико 6 лоиҳаро, аз ҷумла лоиҳа дар самти ташкили маркази бӯҳронӣ барои занон, пешгирии терроризм ва дигар самтҳо бомуваффақият амалӣ намуд. Ташкилот бо Барномаи рушди Созмони Милали Муттаҳид – Бохтар ҳамкориҳои хуб дорад ва бо ин ташкилот лоиҳаи пешгирии терроризм дар байни ҷавонон амалӣ шуда буд.

ТҶ “Алтернатива” бо аҳолии маҳаллӣ зич ҳамкори мекунад ва шаҳрвандон аксар вақт бо мушкилоти худ ба ташкилот муроҷиат мекунанд. Ба гуфтаи Азиза Шомансурова, муроҷиатҳо хусусияти гуногун доранд, яъне аз пайдо кардани кор сар карда, то ба мушкилоти зӯроварӣ дар оила, то ба навиштани консепсия ва нақшаҳои бизнес аст. Ташкилот инчунин бо Раёсати Комиссари Олии СММ оид ба гурезагон  дар Точикистон ва тҷ “Чашма” дар масъалаҳои рафъи шаҳрвандӣ, беш аз ҳадд дар вилояти Хатлон кор кард, ки аз рӯи он муроҷиатҳои аҳолии маҳаллӣ зиёд буданд.

“Натиҷаи кори ташкилоти мо дар одамоне мебошад, ки мо ба онҳо кӯмак расондем”

«Дар тӯли солҳои тӯлонии фаъолият, ташкилот тавонист, ки эътимод ва боварии мардумро пайдо кунад» – мегӯяд Азиза Шомансурова.

 Суроғаи ташкилот ва рақамхои телефони шахси масъул:

н. Шахритус, шахраки Шахритус, кучаи Н.Хусрав, №33

Шомансурова Азиза  (93) 8002256

                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                              

LEAVE A REPLY

Please enter your comment!
Please enter your name here